„ერთიანი ნაციონალური მოძრაობის" ზუგდიდის ოფისში წევრების მიერ პარტიის დატოვების შესახებ გავრცელებულ ინფორმაციას უარყოფენ. როგორც „ინტერპრესნიუსს“ „ნაციონალური მოძრაობის“ ადგილობრივი ორგანიზაციის თავმჯდომარემ, ანა წითლიძემ განუცხადა, ზუგდიდში წინასაარჩევნო პროცესი „ქართული ოცნებისა“ და სუს-ის მიერ არის მართული.
„ცუდია, რომ „ქართულ ოცნებას“ დარჩა ბინძური ხერხები ჩვენთვის უცნობი ადამიანების გამოყენებით, მოსყიდვით, დაშინებით შეცვალოს საარჩევნო პროცესი. ზუგდიდში მათ აქვთ სერიოზული პრობლემა და ჯობია, აკეთონ საქმე, რადგან „ერთიანი ნაციონალური მოძრაობა“ და „ძალა ერთობაშია“ ამ ბრძოლაში ერთიანია და იბრძვის გამარჯვებისთვის“, - აღნიშნა წითლიძემ.
მედიაში გავრცელებული ინფორმაციით, პარტია კოორდინატორებმა ხელფასების გაუცემლობის გამო დატოვეს.