ქუთაისში, კაფე „სავანეს“ მეპატრონეებმა მერიასთან ბამბუკები მიიტანეს. კაფეს მეპატრონეების განცხადებით, ქუთაისის მერია მათ განუმარტავს, რომ "სავანემ" წლების წინ ბამბუკების კონსტრუქცია შეიძინა და მათ იმ მიწის ნაკვეთის ფლობის უფლება არ აქვთ, რაზეც კაფე მდებარეობს. მერიასა და კაფეს მეპატრონეებს შორის დავა მიმდინარეობს, კაფეს შენობაზე გაკრული პლაკატების გაკვრის გამო მერიამ მეპატრონეები 3000 ლარით დააჯარიმა.
აქციის მონაწილეებმა კაფეს შენობაზე ქუჩის ნომერი გააკრეს, რაც მათი თქმით, კაფეს რეალური მისამართია. " ეს კაფე არ არის ბულვარის ნაწილი. ის ყოველთვის იყო რუსთაველის 2ა და არა რუსთაველის 2, რაც ცენტრალური ბაღის მისამართია. რადგან მერიას ამის დანახვა არ უნდა, ჩვენ დემონსტრაციულად ვაკრავთ ამ მისამართს კაფეს შენობაზე", -აცხადებს კაფეს ერთ-ერთი მეპატრონე გიორგი ტურაბელიძე.
იხილეთ ვიდეო: კაფე "სავანეს" მეპატრონეებმა ქუთაისის მერიასთან ბამბუკები მიიტანეს