გიორგი გახარია ოპოზიციას - თემირლან მაჩალიკაშვილის საქმე, თქვენ შინაარსობრივად არ გაინტერესებთ - კითხულობთ გამოძიების იმ საქმეებს, რომელთანაც წვდომა არ მაქვს
კითხულობთ გამოძიების იმ საქმეებს, რომელთანაც მე წვდომა არ მაქვს, ამით მნიშვნერლოვნად კლებულობს თქვენი საპარლამენტო ზედამხედველობის ფასი, - ასე პასუხობს შს მინისტრი გიორგი გახარია, პანკისში ჩატარებული სპეცოპერაციისა და თემირლან მაჩალიკაშვილის გარდაცვალების საქმის გამოძიებაზე დასმულ კითხვას. შს მინისტრის განცხადებით, ოპოზიციას მისი მოსმენის შინაარსობრივი ნაწილი არ აინტერესებს, ვინაიდან იმ კითხვებს არ სვამს, რომელიც უშუალოდ შს სამინისტროს კომპეტენციაში შედის.
პარლამენტის წინაშე სიტყვით გამოსვლისას, შს მინისტრმა ასევე აღნიშნა, რომ მსგავსი ქმედება მნიშვნელოვნად აზიანებს პარლამენტის ფუნქციას, რომელიც ზედამხედველობის ეფექტურ განხორციელებაში მდგომარეობს.
„თემირლან მაჩალიკაშვილის საქმე, თქვენ შინაარსობრივად არ გაინტერესებთ. როდესაც მოსული ვარ „მინისტრის საათის“ ფარგლებში და უამრავი საკითხია, რაც პირდაპირ არის შს სამინისტროს კომპეტენცია, მაგრამ ამას თქვენ არ კითხულობთ და კითხულობთ გამოძიების იმ საქმეებს, რომელთანაც წვდომა არ მაქვს. ამით მნიშვნელოვნად კლებულობს თქვენი საპარლამენტო ზედამხედველობის ფასი“, - მიმართა გიორგი გახარიამ ოპოზიციას.
v-if="article.gallery" v-html="article.gallery"
