შინაგან საქმეთა მინისტრის, გიორგი გახარიას განცხადებით, შინაგან საქმეთა სამინისტრომ, 2019 წლის განმავლობაში, ნარკოდანაშაულში ბრალდებული 597 ადამიანი დააკავა.

ამის შესახებ შს მინისტრმა გიორგი გახარიამ ნარკოდანაშაულთან ბრძოლაზე საუბრისას, პარლამენტში სიტყვით გამოსვლისას განაცხადა.

მისი თქმით, ნარკოდანაშაულთან ბრძოლის შედეგი უკვე შესამჩნევია და მომავალში ამ შედეგების ეფექტი, კიდევ უფრო გაიზრდება.

„ნარკოდანაშაული, მძიმე და რა თქმა უნდა, აქტუალური თემაა. უბრალოდ მინდა ციფრებით გითხრათ, რომ შინაგან საქმეთა სამინისტრომ, ნარკოდანაშაულში ბრალდებული 597 ადამიანი დააკავა 2019 წლის განმავლობაში. ხოლო 2018 წლის პირველი იანვრიდან დღემდე, 180-ზე მეტი ნარკორეალიზატორია დაკავებული. ძირითადი მასა მოდის, ლოკალურად რამდენიმე გეოგრაფიულ წერტილზე, მათ შორის, ფონიჭალაზე. სპეციალური ღონისძიებები ტარდება ამ ლოკაციებში და ეს რა თქმა უნდა, გაგრძელდება და გაძლიერდება. დარწმუნებული ვარ, რომ ამ შედეგებს უკვე გრძნობთ და ამ შედეგების ეფექტი, კიდევ უფრო გაიზრდება“, - განაცხადა გახარიამ.