ბათუმში, წერეთლის ქუჩაზე 60 წლამდე მამაკაცის ცხედარი იპოვეს. როგორც ბათუმის სასწრაფო სამედიცინო დახმარების ცენტრში განაცხადეს, შეტყობინება დილით შევიდა, ადგილზე მისულ სასწრაფო სამედიცინო დახმარების ბრიგადას ერთი მამაკაცი გარდაცვლილი დახვდა, ხოლო მეორე ალკოჰოლური ინტოქსიკაციით საავადმყოფოში გადაიყვანეს.

შემთხვევის ადგილზე სამართალდამცავები იმყოფებოდნენ. ფაქტზე გამოძიება "სისხლის სამართლის კოდექსის" 115-ე მუხლით დაიწყო, რაც თვითმკვლელობამდე მიყვანას გულისხმობს.