„თავისუფალი საქართველოს“ მერობის კანდიდატი გოგი წულაია ზესტაფონის მუნიციპალიტეტში ამომრჩევლებთან შეხვედრებს განაგრძნობს. როგორც „ინტერპრესნიუსს“ პარტია „თავისუფალი საქართველოს“ პრესსამსახურმა აცნობა, სოფელ ზოვრეთში მოსახლეობასთან შეხვედრას ასევე ესწრება პარტიის ლიდერი კახა კუკავა.

მათი ინფორმაციით, ამომრჩეველთან შეხვედრაზე ერთ-ერთი მთავარი საკითხი სოფლის ინფრასტრუქტურასთან, წყლით და ბუნებრივი აირით მომარაგებასთან დაკავშირებული საკითხები იყო.

„მოსახლეობა გამოთქვამს პრეტენზიას, როგორც ჰაერის დაბინძურების, ასევე არასაკმარისი საწვავი შეშის გამო.

მერობის კანდიდატმა ამომრჩეველს საარჩევნო პროგრამა და მუნიციპალიტეტში დაგროვილი პრობლემების გადაჭრის გზებზე საკუთარი ხედვები გააცნო“, - აღნიშნულია ინფორმაციაში.