აჭარის უმაღლესი საბჭოს კომიტეტის სხდომაზე 2018 წლის რესპუბლიკური ბიუჯეტის შესრულების ანგარიში მოისმინეს

აჭარის ავტონომიური რესპუბლიკის უმაღლესი საბჭოს აგრარულ და გარემოს დაცვის საკითხთა კომიტეტის სხდომაზე აჭარის ავტონომიური რესპუბლიკის 2018 წლის რესპუბლიკური ბიუჯეტის შესრულების ანგარიში მოისმინეს. ინფორმაციას უმაღლესი საბჭოს პრესსამსახური ავრცელებს.

ფინანსთა და ეკონომიკის, სოფლის მეურნეობის მინისტრებმა ჯაბა ფუტკარაძემ და ტიტე აროშიძემ, გარემოს დაცვისა და ბუნებრივი რესურსების სამმართველოს უფროსმა ჯემალ ნაკაშიძემ კანონმდებლებს ბიუჯეტის ძირითადი პარამეტრების შესრულებაზე მიაწოდეს ინფორმაცია.

საკანონმდებლო ორგანოში წარმოდგენილი ანგარიშის თანახმად, აჭარის ავტონომიური რესპუბლიკის რესპუბლიკური ბიუჯეტის შემოსულობების 2018 წლის გეგმა - 267 666,4 ათასი ლარით განისაზღვრა, ხოლო ფაქტობრივმა შესრულებამ - 288 841,4 ათასი ლარი შეადგინა, რაც გეგმის 107,9 %-ია. მომხსენებელთა განცხადებით, მნიშვნელოვანია, რომ შარშან 7 %-ით გაიზარდა დასაქმებულთა რაოდენობა, შესაბამისად, გაიზარდა სახელფასო განაკვეთებიც. გარდა ამისა, საგრძნობლადაა მომატებული ადგილზე წარმოებული პროდუქციისა და სხვა მნიშვნელოვანი მაჩვენებლები. მინისტრებმა ასევე ისაუბრეს განხორციელებულ და მიმდინარე ინფრასტრუქტურულ პროექტებზე, საინვესტიციო პოლიტიკასა და დღეს არსებულ გამოწვევებზე.

აღმასრულებელი ხელისუფლების წარმომადგენლებმა მოისმინეს კანონმდებლების მოსაზრებები და უპასუხეს მათ შეკითხვებს. აგრარულ და გარემოს დაცვის საკითხთა კომიტეტის თავმჯდომარემ ვახტანგ წულაძემ მომხსენებლებს აქვე გააცნო შენიშვნებიც, რომელთა გათვალისწინება მომავალი წლის ბიუჯეტშია შესაძლებელი.

კომიტეტის წევრებმა მხარი დაუჭირეს ანგარიშის უმაღლესი საბჭოს პლენარულ სხდომაზე განხილვას.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ