სამტრედიაში ავტოსაგზაო შემთხვევის შედეგად, სამი ადამიანი დაშავდა. სოფელ დაფნარში „ოპელის" მარკის ავტომობილი სამგზავრო მიკროავტობუსს შეეჯახა. შეჯახების შედეგად მსუბუქი მანქანა აალდა, რის გამოც მგზავრები დაშავდნენ. დაშავებულები სასწრაფო-სამედიცინო დახმარების ჯგუფებმა საავადმყოფოში გადაიყვანეს.

მომხდარის გამო, ავტოტრანსპორტის მოძრაობა შეფერხებული იყო.

შინაგან საქმეთა სამინისტროს ინფორმაციით, ცეცხლი ლიკვიდირებულია და მოძრაობაც განახლდა. გამოძიება სისხლის სამართლის კოდექსის 276-ე მუხლით დაიწყო.