სალომე ზურაბიშვილი - არც გაზი გვაქვს და არც ნავთობი, მაგრამ გვაქვს კულტურა

ჩვენ რესურსებზე რომ ვლაპარაკობთ, არც გაზი გვაქვს და არც ნავთობი, მაგრამ გვაქვს კულტურა. ეს ჩანს ყოველდღიურად, - ამის შესახებ საქართველოს პრეზიდენტმა სალომე ზურაბიშვილმა საერთაშორისო ფორუმზე სახელწოდებით, - „კულტურათა კავშირი - საქართველოსა და ევროპის შემოქმედებითი მომავლის განვითარება“ განაცხადა.

სალომე ზურაბიშვილმა საქართველოსთვის კულტურის მნიშვნელობაზე ისაუბრა. მისი განცხადებით, საქართველო ევროპის ნაწილია და კულტურის განვითარებაში საქართველოს მთავარი მხარდამჭერი სწორედ ევროპაა.

„კულტურა საქართველოსთვის ეს არ არის მხოლოდ სიტყვა. კულტურა ეს არის საქართველოს არსი, ისტორია, წარსული და მომავალი. კულტურის გარეშე, რეალურად, საქართველო დღემდე არ მოვიდოდა. ის უცნაურობა, რომ საქართველო გადაურჩა ამდენ საუკუნეს, ამდენ შემოტევას, ამდენ შევიწროებას, ეს სასწაული დაკავშირებულია სწორედ თავის კულტურასთან, თავის ევროპულ, ქრისტიანულ კულტურასთან. ჩვენ, საუკუნეების მანძილზე ამ ქვეყნიდან გავდიოდით არა ჯარებით, არამედ მონასტრების აშენებით. გავდიოდით კულტურით და დღესაც გავდივართ კულტურით. თუ საქართველოს ცნობადობა არსებობს დღეს უცხოეთში და პირველ რიგში, ევროპაში, სწორედ კულტურულად არსებობს საქართველო და ეს არის ჩვენი ძალიან დიდი ძალა, ძალიან დიდი მონაპოვარი ამ საუკუნეების და ძალიან დიდი რესურსი.

ჩვენ რესურსებზე რომ ვლაპარაკობთ, არც გაზი გვაქვს და არც ნავთობი, მაგრამ გვაქვს კულტურა. ჩვენთანაც შემოდის ევროპა თავის კულტურით. მთელი ეს ბოლო წლები, რაც საქართველომ აღადგინა თავისი დამოუკიდებლობა, შემოვიდა ის დღევანდელი ევროპული კულტურა თავისი კანონმდებლობით, თავისი წესრიგით და ამან განაპირობა ჩვენი დღევანდელი განვითარება, საქართველოს დაბრუნება თავის დემოკრატულ წარსულში, უკვე შორეულ წარსულში, რომელიც შეწყვეტილი იყო, მაგრამ ამას დავუბრუნდით ევროპის მეშვეობით. ევროპა ამაში არის ჩვენი მთავარი გვერდში მდგომი და მხარდამჭერი, მაგრამ ეს არ არის ერთმხრივი გზა. ჩვენც შევდივართ ევროპაში, ევროპის კულტურაში. აქ ნახსენები იყო ყველა ის ნაბიჯი, რაც გადადგმულ იქნა ამ ბოლო წლებში და რასაც ჯერ კიდევ ვაპირებთ, მაგრამ მე მგონია, რომ ჩვენ შეგვიძლია გვქონდეს კიდევ მეტი ამბიცია“, - განაცხადა სალომე ზურაბიშვილმა.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო