„ნაცმოძრაობის“ წევრი - ქუთაისის ვიცე-მერს მივლინება აქვს გაფორმებული ჭუბერსა და ბათუმში, სადაც უწერია, რომ ინფრასტრუქტურის სამინისტროში იყო, არადა არც ჭუბერშია სამინისტრო და არც ბათუმში

"ნაციონალური მოძრაობის" წევრების განცხადებით, ქუთაისის ბიუჯეტი არამიზნობრივად იხარჯება. პარტიის წევრებმა დღეს გამართულ ბრიფინგზე, მერიის მიერ სამივლინებო და საწვავის თანხების „არასწორ ხარჯვაზე“ ისაუბრეს.

საკრებულოს ფრაქცია „ნაციონალური მოძრაობის“ თავმჯდომარის გიგა შუშანიას განცხადებით, 2018 წელს სამივლინებო ხარჯებზე 96 000 ლარი, საწვავზე კი - 400 000 ლარზე მეტი იყო გამოყოფილი. შუშანია განმარტავს, რომ მივლინებების ნაწილი კანონდარღვევით გაფორმდა, რაც კორუფციის ნიშნებს შეიცავს.

„გასულ წელს 96 000 ლარი იყო გამოყოფილი მივლინებებზე, საწვავზე კი, 420 000 ლარი. მნიშვნელოვანია ის, რომ რამდენიმე მივლინება ოფიციალურად მივლინების დასრულების შემდეგ, დაახლოებით ერთ თვეში გაფორმდა. ეს არის კანონდარღვევა. მაგალითად, ვიცე-მერს იუზა უგულავას ერთ დღეს მივლინება გაფორმებული აქვს ჭუბერში და ბათუმში, სადაც უწერია, რომ ინფრასტრუქტურის სამინისტროში იყო. არც ჭუბერში და არც ბათუმში სამინისტრო არ არის. ასევე მერიის თანამშრომლები ქვეყნის მასშტაბით მივლინებაზე მერიის ავტომობილებით გადაადგილდებიან და ათეულობით ლიტრ საწვავს ხარჯავენ. რატომ არ შეიძლება მერის თანაშემწე საზოგადოებრივი ტრანსპორტით გაემგზავროს თბილისში, ამისთვის რატომ უნდა დაიხარჯოს ზედმეტი თანხა?" - განაცხადა გიგა შუშანიამ.

იგი მოუწოდებს აუდიტის სამსახურს, დაინტერესდეს სამივლინებო თანხების ხარჯვითი ნაწილით.

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის