თელავში ახალგაზრდა მამაკაცი ცივი იარაღით დაჭრეს. შემთხვევა ბათუმის ქუჩაზე მოხდა. „ინტერპრესნიუსის" ინფორმაციით, ერთმანეთის მეზობლად მყოფ ორ ახალგაზრდას შორის სიტყვიერი დაპირისპირება დაჭრით დასრულდა.

დაშავებულს ცივი იარაღით ჭრილობა მუცლის არეში აქვს მიყენებული. ექიმის თქმით, 25 წლის ახალგაზრდას ქირურგიური ოპერაცია უკვე ჩაუტარდა და მისი ჯანმრთელობის მდგომარეობა სტაბილურია.

შინაგან საქმეთა სამინისტრომ გამოძიება სისხლის სამართლის კოდექსის 120-ე მუხლით დაიწყო, რაც ჯანმრთელობის ნაკლებად მძიმე დაზიანებას გულისხმობს.