ბათუმი აღმოსავლეთ პარტნიორობის ქვეყნების საპარლამენტო სემინარს მასპინძლობს

ბათუმი აღმოსავლეთ პარტნიორობის ქვეყნების საპარლამენტო ადმინისტრაციებისთვის საპარლამენტო სწავლებისა და კომუნიკაციების შესახებ სემინარს მასპინძლობს.

როგორც „ინტერპრესნიუსს“ აჭარის უმაღლესი საბჭოს პრესსამსახურიდან აცნობეს, სასტუმრო „რედისონში“ მიმდინარე სემინარს ჩვენი ქვეყნის, ბელორუსიის, უკრაინის, ლიეტუვას, მოლდოვას, სომხეთისა და აზერბაიჯანის საპარლამენტო ადმინისტრაციების ხელმძღვანელები, გერმანიის საერთაშორისო თანამშრომლობის საზოგადოების (GIZ) წარმომადგენლები და ევროპის წამყვანი ქვეყნების ექსპერტები ესწრებიან.

„აღმოსავლეთ პარტნიორობის ქვეყნების თანამშრომლობის მემორანდუმი ურთიერთობის ძალზე კარგი პლატფორმაა, ვინაიდან ჩვენ გვაქვს ერთნაირი გამოწვევები, ერთნაირი მისწრაფებები. ეს არის ძალზე კარგი საშუალება გავიზიაროთ ერთმანეთის გამოცდილება, მოსაზრებები, გავიცნოთ ერთმანეთის კულტურა“, - აღნიშნა აჭარის ავტონომიური რესპუბლიკის უმაღლესი საბჭოს თავმჯდომარემ დავით გაბაიძემ თავის მისასალმებელ სიტყვაში.

მან სემინარის მონაწილეებს აჭარის კონსტიტუციისა და რეგიონში მიმდინარე მოვლენების შესახებ მიაწოდა ინფორმაცია და აღნიშნა, რომ აჭარა, ერთადერთი რეგიონია, რომელიც აღმოსავლეთ პარტნიორობის ქვეყნების ე.წ. „თბილისის მემორანდუმის“ ფარგლებში გამართულ ღონისძიებაშია ჩართული.

გერმანიის საერთაშორისო თანამშრომლობის (GIZ) საზოგადოების პროექტის ფარგლებში ორგანიზებულ სემინარში აჭარის უმაღლესი საბჭო საქართველოს პარლამენტისა და ავტონომიური რესპუბლიკის საკანონმდებლო ორგანოების აპარატებს შორის გაფორმებული მემორანდუმის ფარგლებში მონაწილეობს. სემინარი სამი დღის განმავლობაში სესიებად ჩატარდება და ძირითადად საზოგადოებასთან ურთიერთობებისა და კომუნიკაციის მიმართულებებს მოიცავს.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 05.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა