გაერთიანებულმა ოპოზიციამ ზუგდიდში საპროტესტო აქცია-პერფორმანსი გამართა. ახალგაზრდები ავტომობილებით და დროშებით გადაადგილდებოდნენ. ერთ-ერთი ორგანიზატორის, ირაკლი პაჭკორიას თქმით, მათ ოფისში მოქალაქეები აკითხავენ, რომლებიც ამბობენ, რომ აშინებენ.
„მოგვდის ინფორმაციები და გვეუბნებიან, რომ უკვე დაწყებული აქვთ ადამიანების დაშინება და მოსყიდვა. ჩვენ ვაპროტესტებთ ამ ყველაფერს. მათ ავიწყდებათ ერთი რამ, რომ ეს არის ზუგდიდი და ზუგდიდელების შეშინება არის წარმოუდგენელი“, - ამბობს ირაკლი პაჭკორია.
გაერთიანებული ოპოზიციის ახალგაზრდული ფრთის წარმომადგენლებმა და მხარდამჭერებმა ავტომობილებით მსვლელობა ქალაქის ტერიტორიაზე მოაწყვეს და აქცია ენგურის ხიდის მიმდებარედ დაასრულეს.