ქეთევან ციხელაშვილი - კომუნიკაციის გზას ალტერნატივა არ გააჩნია - აბსოლუტურად დაუშვებელია ძალადობა, ან ისეთი ეპიზოდი, რაც საუბედუროდ პანკისის ხეობაში მოხდა

შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი პანკისის ხეობის სოფელ ჯოყოლოში ჩავიდა, სადაც მოსახლეობას შეხვდა და მათთან სხვადასხვა საკითხზე ისაუბრა.

როგორც „ინტერპრესნიუსს“ შერიგებისა და სამოქალაქო თანასწორობის საკითხებში სახელმწიფო მინისტრის აპარატიდან აცნობეს, შეხვედრაზე, რომელსაც მათ შორის უხუცესები და ქალთა საბჭოს წევრები ესწრებოდნენ, მოსახლეობას თითოეული იმ თემის წამოჭრისა და კითხვის დასმის საშუალება მიეცა, რომელიც მათთვის აქტუალური და საინტერესოა. სახელმწიფო მინისტრმა თითოეულ კითხვას უპასუხა.

„კონსტრუქციული შეხვედრა იყო. არის თანმხვედრი მზაობა ხელისუფლებისა და მოსახლეობის მხრიდან, რომ დიალოგი გაგრძელდეს და კომუნიკაცია კიდევ უფრო გააქტიურდეს იმ საკითხების განსახილველად, რომელიც მოსახლეობას აწუხებს და რაც პანკისის ხეობის განვითარებისათვის მნიშვნელოვანია. კომუნიკაციის გზას ალტერნატივა არ გააჩნია და აბსოლუტურად დაუშვებელია ძალადობა, ან ისეთი ეპიზოდი, რაც საუბედუროდ 21 აპრილს ხეობაში მოხდა. ვფიქრობ, რომ ამაზე საერთო შეთანხმება არსებობს.

მოსახლეობას ჰქონდა კონკრეტული მოსაზრებები, რომლებიც მოვისმინე. ასევე ვისაუბრე პანკისის ხეობის განვითარების გეგმაზე, რომელიც ძალიან მოცულობითია და ბევრ სფეროს მოიცავს. საბოლოო ჯამში, ერთი სურვილი გვაერთიანებს - ხეობის განვითარება. ქვეყნის განვითარება რეგიონების განვითარებაზეა დამოკიდებული და ბუნებრივია, ამაშიც სრული თანხვედრაა. მგონია, რომ ეს ახალი ეტაპის დასაწყისია - დიალოგისა და კომუნიკაციის განახლება, რომელიც ორი კვირის წინ იყო და რომელიც კიდევ უფრო ინტენსიური გახდება სხვადასხვა ჯგუფთან, დაინტერესებულ პირებთან, ყველასთან, ვისაც ამის სურვილი ექნება. იმის რესურსი, რომ ყველაფერი მოსახლეობის ჩართულობისა და კომუნიკაციის გზით გადაწყდეს, ძალიან მაღალია, რადგან არის მზაობა, კონკრეტული ხედვები და გეგმები“, - განაცხადა ქეთევან ციხელაშვილმა.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 05.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
ახალი შესაძლებლობა საცალოდ ვაჭრობის სფეროთი დაინტერესებულთათვის - საქართველოში ორმაგი აკრედიტაციის მქონე პროგრამა იწყება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან
2020 წელს საქართველოში ნარკოტიკზე, ალკოჰოლსა და აზარტულ თამაშებზე დამოკიდებულთათვის პირველი სარეაბილიტაციო სტაციონარის გახსნა იგეგმება
ენერგეტიკის გამოფენა და კონფერენცია “გლობალური ენერგეტიკული ტრენდები“ "ექსპოჯორჯიაში" გაიმართება
„ლექსუსი“ 2020 წლისთვის ქართველ მომხმარებელს განახლებულ Lexus GX460-ს სთავაზობს
"ლიბერთის" თანადგომა ბავშვთა სარეაბილიტაციო ცენტრ - ,,რეჰაბს“