მაია ცქიტიშვილი - ძველ ხიბულაში მიმდინარე პროექტები კარგი მაგალითია იმის, თუ როგორ თანამშრომლობენ „ფონდი ქართუ" და სახელმწიფო

ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა ხობის მუნიციპალიტეტის სოფელ ძველ ხიბულაში ზვიად გამსახურდიას სახლ-მუზეუმის სარეაბილიტაციო სამუშაოები დაათვალიერა. მინისტრი ასევე ადგილზე გაეცნო ეკლესიის პროექტს, რომლის აშენებაც მიმდებარედ იგეგმება.

როგორც მაია ცქიტიშვილმა განაცხადა, ძველ ხიბულაში მიმდინარე პროექტები არის ძალიან კარგი მაგალითი იმისა, თუ როგორ თანამშრომლობენ „ფონდი ქართუ" და სახელმწიფო.

„ამ ეტაპზე მიმდინარეობს იმ სახლ-მუზეუმის რეაბილიტაცია და მოეწყობა „ქართუს“ მიერ, სადაც გარდაიცვალა საქართველოს პირველი პრეზიდენტი. გარდა ამისა, აქვე დაგეგმილია „ქართუს“ მიერ ეკლესიის მშენებლობა, რომელიც იქნება ერთიანი კომპლექსი, სადაც ადგილობრივ მოსახლეობას პირველ რიგში ექნება საშუალება პატივი მიაგოს ზვიად გამსახურდიას ხსოვნას. ასევე დარწმუნებული ვარ იმაში, რომ ეს ობიექტი გახდება ძალიან საინტერესო ახალგაზრდებისთვის, რომლებმაც უნდა იცოდნენ ჩვენი ისტორია ბევრად უკეთ.

გარდა ამისა, სახელმწიფო ბიუჯეტიდან ვახორციელებთ გზების მოწყობის სამუშაოებს, ასევე წყალმომარაგების და გაზიფიცირების სამუშაოებს. ასევე ჩვენ ვნახეთ ზუგდიდი- ნარაზენის გზის მონაკვეთი, რომელიც დასრულებულია. ძველ ხიბულაში შიდა გზები მოეწყობა, დაახლოებით 4- კილომეტრიანი მონაკვეთი. ამავე ტერიტორიაზე „ქართუს“ მიერ იგეგმება სკვერის მოწყობა, რასაც ბიძინა ივანიშვილი ძველ ხიბულაში სტუმრობის დროს დაპირდა ადგილობრივებს",- აღნიშნა მინისტრმა.

ჟურნალისტის კითხვაზე, უკავშირდებოდა თუ არა აღნიშნული პროექტები შუალედურ არჩევნებს, ცქიტიშვილი ამბობს, რომ სახელმწიფოს სამეგრელო და ძველი ხიბულა მანამდეც ახსოვდა.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 13.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
მედიკამენტებით უზრუნველყოფის გაუმჯობესების პროგრამის ფარგლებში PSP თურქეთის წამყვანი ფარმაცევტული კომპანიის „აბდი იბრაჰიმის“ ხელმძღვანელობას შეხვდა
ახალი წლიდან სილქნეტის ოპტიკურ ქსელში სატელევიზიო პაკეტები იცვლება
„ავერსში“ ლარის კურსის გამყარებასთან დაკავშირებით მედიკამენტებზე ფასების გაიაფება დაიწყო
2021 წლიდან, ყულევში თანამედროვე ტექნოლოგიების შესაბამისი ნავთობგადამამუშავებელი ქარხნის მშენებლობა იგეგმება