რუსთავის ცენტრში, ერთ-ერთ სუპერმარკეტში ხანძარი გაჩნდა. როგორც "ინტერპრესნიუსს" საგანგებო სიტუაციების მართვის სამსახურში განუცხადეს, ხანძრის კერა სუპერმარკეტის სამზარეულოს ბლოკში ფიქსირდებოდა. შენობაში და მიმდებარე ტერიტორიაზე შეინიშნება ძლიერი დაკვამლიანებაც.
ადგილზე ცეცხლის სალიკვიდაციო სამუშაოებს რუსთავის სახანძრო-სამაშველო სამსახურის 3 ეკიპაჟი ასრულებდა. მომხდარის შედეგად არავინ დაშავებულა. ხანძარი ამ დროისთვის ლიკვიდირებულია.