ბორჯომის ცენტრალური (ისტორიული) პარკის განვითარების კონცეფციის შემუშავებაზე ბორჯომის მუნიციპალიტეტის მერიამ კონკურსი რამდენიმე ხნის წინ გამოაცხადა. როგორც „ინტერპრესნიუსს“ ბორჯომის მუნიციპალიტეტიდან აცნობეს, პირველ ეტაპზე, დასახელდა კონკურსის ორი საუკეთესო პროექტი. ახლა ხალხისა და ჟიურის გადაწყვეტილებით, გამარჯვებული პროექტი გამოვლინდება.

„პროექტების დეტალურად გაცნობა და ხმის მიცემა ნებისმიერ მსურველს ტელეკომპანია „ბორჯომის" ვებ-გვერდზე უახლოეს დღეებში შეეძლება. მანამდე კი ტელეკომპანია „ბორჯომის" ეთერში რეგიონის ხელმძღვანელობასთან ერთად, საკუთარი კონცეფციები ავტორებმა გადაცემაში წარმოადგინეს“, - აღნიშნულია ინფორმაციაში.