ფინანსთა მინისტრის მოადგილე - დაგეგმილი ბიუჯეტის მაჩვენებლები პირველ კვარტალში სრულადაა შესრულებული

დაგეგმილი ბიუჯეტის მაჩვენებლები პირველ კვარტალში სრულადაა შესრულებული, - ამის შესახებ ფინანსთა მინისტრის მოადგილემ გიორგი კაკაურიძემ ადამიანის უფლებათა დაცვის კომიტეტის სხდომაზე ბიუჯეტის 3 თვის შესრულების მაჩვენებლების წარდგენისას განაცხადა.

მინისტრის მოადგილემ აღნიშნა, რომ მიმდინარე წლის 3 თვეში ბიუჯეტის შემოსავალი 2 მილიარდ 580 მილიონი, ხარჯი კი 2 მილიარდ 818 მილიონ ლარს შეადგენს.

„2 მილიარდ 316 მილიონი ლარის მობილიზება მოხდა გადასახადების სახით, ეს დაგეგმილ მაჩვენებელთან მიმართებაში 100.8%-ით შესრულებაა. ჯამში შემოსავლების შესრულების მაჩვენებელი 104.8%-ია და 2 მილიარდ 580 მილიონი ლარი იქნა მობილიზებული. ხარჯვით ნაწილს რაც შეეხება,პირველ კვარტალში საკასო ხარჯი 2 მილიარდ 818 მილიონ ლარს შეადგენს, რაც გეგმის 95.6%-იანი შესრულებაა“, -აღნიშნა კაკაურიძემ.

ამასთან, მინისტრის მოადგილემ პირველი კვარტლის სხვადასვა ეკონომიკურ პარამეტრებზე, მათ შორის ეკონომიკურ ზრდასა და საგარეო ვაჭრობაზეც ისაუბრა.

„მარტში გვქონდა საკმაოდ კარგი 6%-იანი ეკონომიკური ზრდა, საბოლოო ჯამში პირველი კვარტლის საშუალო ეკონომიკური ზრდა 4.7% იყო. მოგეხსენებათ, ბიუჯეტი დაგეგმილია 4.5%-იან ეკონომიკური ზრდის პარამეტრზე. მნიშვნელოვანია საგარეო სექტორი, საგარეო ვაჭრობა, ჯამში პირველ კვარტალში იყო 2 მილიარდ 207 მილიონი დოლარი. აქედან ექსპორტმა 826 მლნ დოლარი, იმპორტმა კი 1 მილიარდ 981 მილიონი დოლარი შეადგინა“, -განაცხადა კაკაურიძემ.

მისივე თქმით, ტურიზმშიც ფიქსირდება ზრდა. კერძოდ, პირველ კვარტალში 578 მილიონი დოლარი იქნა მიღებული ტურიზმიდან, რაც 5%-ით აღემატება გასული წლის მაჩვენებელს. რაც შეეხება ვიზიტორთა რაოდენობას, 1 .618 მლნ ვიზიტორი ეწვია საქართველოს. მინისტრის მოადგილის განცხადებით, ფულად გზავნილებში 8.4%-იანი ზრდა დაფიქსირდა და ჯამში 328 მლნ დოლარია პირველ კვარტალში ფულადი გზავნილების სახით მიღებული.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს