ზაურ დარგალი ამომრჩევლებთან შეხვედრებს განაგრძობს

„ქართული ოცნება - დემოკრატიული საქართველოს“ მარნეულის მუნიციპალიტეტის მერობის კანდიდატი ზაურ დარგალი, მუნიციპალიტეტის ადმინისტრაციულ ერთეულებში, ამომრჩევლებთან შეხვედრებს აქტიურად განაგრძობს.

როგორც „ინტერპრესნიუსს“ პარტია „ქართული ოცნება - დემოკრატიული საქართველოს“ პრესსამსახურიდან აცნობეს, კანდიდატი, მსგავსი შეხვედრების გარდა, კარდაკარის პრინციპით, ქალაქ მარნეულში მცხოვრებ ოჯახებს სტუმრობს და მათ საჭიროებებს ადგილზე ეცნობა. იგი მოქალაქეებს დაგეგმილი ინფრასტრუქტურული პროექტების შესახებ აწვდის ინფორმაციას და არჩევნებში აქტიური მონაწილეობისკენ მოუწოდებს.

მათივე ინფორმაციით, ზაურ დარგალმა, მოქალაქეებთან შეხვედრისას, ყურადღება წყალმომარაგებისა და წყალარინების ქსელის მშენებლობის პროექტზე გაამახვილა.

მისი განცხადებით, 2019-2020 წლებში განხორციელდება მარნეულის წყალმომარაგებისა და წყალარინების ქსელის მშენებლობის პროექტი, რომლის დასრულების შემდგომ ქალაქ მარნეულისა და მარნეულის მუნიციპალიტეტის სოფლების 35 200-მდე მაცხოვრებელი სტაბილური, ხარისხიანი წყალმომარაგებით იქნება უზრუნველყოფილი.

კანდიდატის განცხადებით, ქალაქ მარნეულში ასევე იგეგმება ცენტრალური სტადიონის „ალგეთი არენას“ რეაბილიტაცია, რომლის დასრულების შემდგომაც, ქალაქს თანამედროვე სტანდარტების შესაბამისი სპორტული მოედანი ექნება.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 09.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
"ლიბერთი ბანკის" მმართველ გუნდში ცვლილებებია
"ბაზისბანკის" ციფრული არხებით სარგებლობა უფასოა
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს