„ქართული ოცნება-დემოკრატიული საქართველოს“ ზესტაფონის მერობის კანდიდატი გიორგი გოგლიჩიძე სოფელ არგვეთაში ბიზნესსექტორის წარმომადგენლებს შეხვდა და მათ სამომავლო ხედვები გააცნო. ამის შესახებ „ინტერპრესნიუსს“ „ქართული ოცნებიდან“ აცნობეს.

გიორგი გოგლიჩიძემ შეხვედრის მონაწილეებს მადლობა გადაუხადა იმ შრომისა და თავდადებისთვის, რასაც თითოეული მათგანი ქვეყნის ეკონომიკისთვის აკეთებს.

„ვიმყოფებოდი „ჯი თი ემ გრუპის” საწარმოში, სადაც თანამშრომლებისგან მივიღე თანადგომისა და მხარდაჭერის მუხტი. ესენი არიან ადამიანები, რომლებიც ქმნიან დოვლათს, არიან ეკონომიკის სტაბილური განვითარების გარანტი. მე მათ ვუთხარი, რომ მერობის კანდიდატის, გიორგი გოგლიჩიძის მხარდაჭერით, ისინი ხმას მისცემენ ქალაქის განვითარებას, ჯანსაღ ურთიერთობებსა და დაგროვებული პრობლემების მოგვარებას. 19 მაისს ჩვენ ერთად გავიმარჯვებთ”, – განაცხადა გიორგი გოგლიჩიძემ საწარმოს თანამშრომლებთან შეხვედრაზე.