ეს დოკუმენტი არის ღია. არავითარი საიდუმლო დოკუმენტი არ არსებობს. ეს არის საჯარო მსჯელობის საგანი, - ასე პასუხობს პრემიერი კითხვას, რომ გავრცელებული ინფორმაციით, მთავრობამ ევროკავშირისგან საიდუმლო დოკუმენტი მიიღო, სადაც სავარაუდოდ, საუბარია არჩევნების საკითხზე.

"მგონი არასწორი ინტერპრეტაციაა. ჩვენ გვაქვს მიღებული ეუთოს და ოდირის რეკომენდაციები არჩევნების შემდეგ, სადაც არის კონკრეტული რეკომენდაციები მოცემული და ჩვენი საპარლამენტო გუნდი აქტიურად მუშაობს ამ საკითხზე. ეს დოკუმენტი საჯაროა და რამდენიმე თვის წინ მივიღეთ. ეს ის საკითხები არ არის, რომელზეც ჩვენ საიდუმლოდ ვმსჯელობთ. ეს დოკუმენტი არის ღია. არავითარი საიდუმლო დოკუმენტი არ არსებობს. ეს არის საჯარო მსჯელობის საგანი", - განაცხადა პრემიერმა.