ეს არის უსაფრთხოების სამსახურისა და პროკურატურის საკითხი,- ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა მალხაზ მაჩალიკაშვილის საქმესთან დაკავშირებით განაცხადა. მისი თქმით, პოლიტიკური შეფასებების ადგილი არ არის.
„ეს არის უსაფრთხოების სამსახურისა და პროკურატურის საკითხი და იმ შემთხვევაში, თუკი არსებობს კითხვები, მათ უნდა გასცენ ამაზე პასუხი. აქ პოლიტიკური შეფასებების ადგილი არ არის“, - განუცხადა ჟურნალისტებს მინისტრმა ზუგდიდში ვიზიტისას.
ქეთევან ციხელაშვილმა ზუგდიდში ახალი პროგრამა "აწარმოე უკეთესი მომავლისკენ" წარადგინა.
სახელმწიფო უსაფრთხოების სამსახურმა გუშინ გაავრცელა ინფორმაცია, რომ მალხაზ მაჩალიკაშვილს ტერორისტული აქტის ორგანიზება და ამ გზით რამდენიმე პირის მკვლელობა ჰქონდა განზრახული.