რუსთავში ფაშიზმზე გამარჯვების დღე აღნიშნეს

რუსთავში, ფაშიზმზე გამარჯვების 74-ე წლისთავი აღნიშნეს. მეორე მსოფლიო ომის დასრულებისა და ფაშიზმზე გამარჯვების დღესთან დაკავშირებით, რუსთაველი ვეტერანები ტრადიციულად, დიდების ხეივანში, გმირთა მემორიალთან შეიკრიბნენ. ვეტერანებთან ერთად, მემორიალთან ქვემო ქართლის გუბერნატორი შოთა რეხვიაშვილი, რუსთავის მერი ირაკლი ტაბაღუა, საკრებულოს თავმჯდომარე ლევან ონიანი და დეპუტატებიც იმყოფებოდნენ.

სამხარეო და ადგილობრივი ხელისუფლების წარმომადგენლებმა, მეორე მსოფლიო ომში დაღუპულ გმირთა მემორიალი, გვირგვინებით შეამკეს და ვეტერანებს ფაშიზმზე გამარჯვების დღე მიულოცეს.

ღონისძიებას ომის ვეტერანები, მათთან გათანაბრებული პირები, ვეტერანთა ოჯახებისა და ჩოხოსანთა საზოგადოების წევრებიც დაესწრნენ.

გმირთა მემორიალთან რუსთავის ეპარქიის მიტროპოლიტმა მეუფე იაონემ (გამრეკელი) მეორე მსოფლიო ომში გარდაცვლილთა სულის მოსახსენიებელი პარაკლისი აღავლინა.

ღონიძიების დასრულების შემდეგ, რუსთავის მერიამ ვეტერანები სადღესასწაულო სადილზე მიიწვია. ქალაქის თვითმმართველობისგან მეორე მსოფლიო ომის მონაწილეებს საჩუქრად 150 ლარის ოდენობის თანხა გადაეცათ.

რუსთავის მერმა და ქვემო ქართლის გუბერნატორმა, დღესვე, ფაშიზმზე გამარჯვების დღე, 97 წლის გიორგი კობეშავიძეს პირადად მიულოცეს. ირაკლი ტაბაღუა და შოთა რეხვიაშვილი, მას სახლში ესტუმრნენ და საჩუქარი გადასცეს.

დღეისათვის რუსთავში, მეორე მსოფლიო ომის 8 ვეტერანი და მათთან გათანაბრებული 36 პირი ცხოვრობს.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო