ბორჯომში ფაშიზმზე გამარჯვების 74-ე წლისთავი აღნიშნეს

ბორჯომში ფაშიზმზე გამარჯვების 74-ე წლისთავი აღნიშნეს. შინ მოუსვლელთა სახელობის სკვერში მერმა ლევან ლიპარტიამ, საკრებულოს თავმჯდომარემ გიორგი გოგიჩაიშვილმა, მოადგილეებთან და სამცხე-ჯავახეთის მხარეში თვითმმართველობებთან ურთიერთობის სამსახურის ხელმძღვანელთან ეკატერინე ორჯონიკიძესთან ერთად მეორე მსოფლიო ომის ვეტერანებს 9 მაისის დღესასწაული პირადად მიულოცეს და მუნიციპალიტეტისა და სასტუმრო "ბორჯომი-ლიკანის" სახელით საჩუქრები გადასცეს, სკვერში არსებული მემორიალი კი ყვავილებით შეამკეს.

ადგილზე ანსამბლების "ნენანასა" და "მზეშინას", ასევე სკოლის მოსწავლეების მონაწილეობით, თემატური ღონისძიება მოეწყო.

მოგვიანებით საზეიმო სვლა "ძმათა სასაფლაოზე" მოეწყო, სადაც მუნიციპალიტეტის წარმომადგენლებმა და მოქალაქეებმა დიდ სამამულო ომში დაღუპულთა მემორიალი და გმირთა საფლავები გვირგვინითა და ყვავილებით შეამკეს. სამღვდელო პირებმა დაღუპულებისათვის პანაშვიდი გადაიხადეს.

დღესვე ხელმძღვანელი პირები მეორე მსოფლიო ომის ვეტერანებს სახლში ესტუმრნენ, ფაშიზმზე გამარჯვების დღე პირადად მიულოცეს და მათ მხნეობა და დიდხანს სიცოცხლე უსურვეს.

ფაშიზმზე გამარჯვების დღესთან დაკავშირებით, ბორჯომში მცხოვრებ დიდი სამამულო ომის ვეტერანებს ბორჯომის მუნიციპალიტეტისაგან საჩუქრად 300 ლარი, ხოლო მათთან გათანაბრებულ პირებს 100 ლარი ჩაერიცხათ. ომის ვეტერანებმა სახელმწიფოსგან 600 ლარიც მიიღეს.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა