პანკისის ხეობაში დღეს მალხაზ მაჩალიკაშვილის მხარდამჭერი აქცია იგეგმება. ადგილობრივები 15:00 საათზე, სუს-ში მალხაზ მაჩალიკაშვილის დაკითხვის პარალელურად, სოფელ დუისის ძველ მეჩეთთან აპირებენ შეკრებას და განცხადების გაკეთებას.

სამოქალაქო აქტივისტი, სულხან ბორძიკაშვილი განმარტავს, რომ მიმართვის შესახებ შეხვედრაზე მოილაპარაკებენ და სწორედ ამის შემდეგ გაასაჯაროებენ.

მისივე თქმით, აქცია მშვიდობიანი იქნება და მალხაზ მაჩილიკაშვილს სუს-ში დაბარებასთან დაკავშირებით თანადგომას გამოუცხადებენ.

"დღეს ლოცვის შემდეგ შევიკრიბებით და მალხაზ მაჩალიკაშვილს მხარდაჭერას გამოვუცხადებთ. ვაპირებთ განცხადების გავრცელებას, თუმცა ამ ეტაპზე მეტს ვერაფერს ვიტყვი, უფროს ხალხთან ერთად მოვილაპარაკებთ და გავასაჯაროებთ," - განაცხადა სულხან ბორძიკაშვილმა.

შეგახსენებთ, რომ 7მაისს, სახელმწიფო უსაფრთხოების სამსახურმა გაავრცელა ფარული აუდიო ჩანაწერი, რის მიხედვითაც მალხაზ მაჩალიკაშვილი ტერორისტული აქტის გზით რამდენიმე ადამიანის მკვლელობას გეგმავდა.