უხვმა ნალექმა ფშაველი-აბანო-ომალოს გზა დააზიანა. რამდენიმე ადგილზე ჩამოწოლილია მეწყერი და ჩახერგილია გზა. ამის შესახებ „ინტერპრესნიუსს" თუშეთის გამგებელმა ლადო კახოიძემ განუცხადა.

„თუშეთთან დამაკავშირებელი გზის რამდენიმე მონაკვეთზე ჩამოწოლილია მეწყერი და ჩახერგილია გზა. ძირითადი დაზიანებები თორღვას აბანომდეა. ვესაუბრე კომპანია „არილის" წარმომადგენელს და ვიცი, რომ სპეციალური ტექნიკა უკვე მობილიზებულია და დაიწყებენ გაწმენდით სამუშაოებს.ზუსტად რა მდგომარეობაა გზაზე ინფორმაცია ცოტა ხანში მეცოდინება", - განაცხადა ლადო კახოიძემ.