პრემიერმა და „ქართული ოცნების“ კანდიდატმა ზუგდიდში მიმდინარე პროექტები დაათვალიერეს

საქართველოს პრემიერ მინისტრმა მამუკა ბახტაძემ, „ქართული ოცნება - დემოკრატიული საქართველოს“ ზუგდიდის მერობის კანდიდატთან გიორგი შენგელიასთან და სახელმწიფო რწმუნებულთან ალექსანდრე მოწერელიასთან ერთად ზუგდიდში მიმდინარე მსხვილი ინფრასტრუქტურული პროექტები დაათვალიერა. პრემიერ-მინისტრი ბოტანიკურ ბაღში მიმდინარე სამუშაოებს და თამარ მეფის გამზირის რეაბილიტაციის პროცესს გაეცნო. მთავრობის მეთაურმა, გარემოს დაცვისა და სოფლის მეურნეობის მინისტრთან ერთად აზიურ ფაროსანასთან ბრძოლის სამუშაოებზეც მოისმინა ინფორმაცია. ამის შესახებ „ინტერპრესნიუსს“ „ქართული ოცნება - დემოკრატიული საქართველოს“ პრესსამსახურიდან აცნობეს.

მათი ინფორმაციით, ამ ეტაპზე, ბოტანიკური ბაღის შიდა ბილიკების, ადმინისტრაციული შენობისა და სარწყავი არხის მოწყობის სამუშაოები მიმდინარეობს. პროექტი ითვალისწინებს ბაღის ტერიტორიაზე არსებული შენობების, წყალმომარაგების სისტემების, არსებული ხელოვნური ტბის რეაბილიტაციას, ასევე სათავე ნაგებობისა და სასეირნო ბილიკების მოწყობას.

პროექტს ,,მუნიციპალური განვითარების ფონდი“ ახორციელებს და მისი ღირებულება 12 მილიონი ლარია.

ზუგდიდის მერობის კანდიდატის გიორგი შენგელიას განცხადებით, ბოტანიკური ბაღისა და განახლებული სასახლეების კომპლექსი ტურისტებისთვის მიმზიდველი იქნება, რაც მუნიციპალიტეტს დამატებით შემოსავალს მოუტანს.

„ზუგდიდის სიამაყე, ბოტანიკური ბაღი, მალე რეაბილიტირებული იქნება და ზუგდიდელებს დასასვენებლად განახლებული მწვანე სივრცე ექნებათ. ამასთან მნიშვნელოვანია, რომ დადიანების კომპლექსში ფონდ ,,ქართუს“ დახმარებით უკვე დასრულდა ნიკოსეული სასახლის რეაბილიტაცია, უახლოეს მომავალში კი ,,მუნიციპალური განვითარების ფონდი“ მოახდენს ეკატერინესეული სასახლის სრულ რეაბილიტაციას. ბოტანიკური ბაღის და ორივე განახლებული სასახლის კომპლექსი ტურისტებისთვის მიმზიდველი იქნება, რაც ჩვენი მუნიციპალიტეტისთვის დამატებითი შემოსავლების მიღების შესაძლებლობაა“ ,- განაცხადა გიორგი შენგელიამ.

„რაც შეეხება თამარ მეფის ქუჩას, აქ სარეაბილიტაციო სამუშაოები აქტიურად მიმდინარეობს, გზის სავალ ნაწილზე დაიგება ასფალტის საფარიანი გზა, მოწესრიგდება სანიაღვრე ქსელები, მოეწყობა მიერთებები, მოსახლეობის ეზოებში შესასვლელები, ბორდიურები, გაზონები და ტროტუარები. პროექტს საქართველოს საავტომობილო გზების დეპარტამენტი ახორციელებს.

ზუგდიდში წელს აშენდება 10 ახალი გზა და რეაბილიტაცია ჩაუტარდება 100-ზე მეტ ქუჩას, რომლებიც წყლის და წყალარინების დაქსელვითი სამუშაოების დროს დაზიანდა", - ნათქვამია ინფორმაციაში.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა