რეგიონალური განვითარების ფონდის დაფინანსებით, სიღნაღში საბავშვო ბიბლიოთეკისთვის ყოფილი ფოსტის შენობის სრული რეაბილიტაცია მიმდინარეობს. ამის შესახებ „ინტერპრესნიუსს“ სიღნაღის მუნიციპალიტეტიდან აცნობეს.
მათი ინფორმაციით, პროექტი ძველი ნაგებობის სრულ აღდგენას მოიცავს, რისთვისაც 109 350 ლარია გათვალისწინებული.
სამუშაოების დასრულების შემდეგ, შენობის მეორე სართულზე სამკითხველო დარბაზი, პირველ სართულზე კი ბიბლიოთეკის წიგნადი ფონდი განლაგდება.
შეგახსენებთ, რომ ამ ეტაპზე ბიბლიოთეკა სიღნაღის საჯარო სკოლის შენობაში ფუნქციონირებს.
სარეაბილიტაციო სამუშაოები ივნისის ბოლოს დასრულდება.