ზუგდიდის საკრებულოს სხდომაზე, რომელსაც სანდრა რულოვსი ესწრებოდა, ხმაური და დაპირისპირება იყო

ხმაური და სიტყვიერი დაპირისპირება იყო ზუგდიდის საკრებულოს სხდომაზე, რომელსაც გაერთიანებული ოპოზიციის მერობის კანდიდატი სანდრა რულოვსი ესწრებოდა.

სხდომაზე კამათი რულოვსის მიერ ერთ-ერთი დეპუტატისადმი მიმართვას მოჰყვა. სანდრა რულოვსმა დეპუტატ გია დანელიას ჰკითხა, რას გულისხმობდა მედიისთვის მიცემულ კომენტარში, რომლის თანახმად, „ოცნება“ გამარჯვებას ყველაფრის ფასად მიაღწევდა.

სანდრა რულოვსს უმრავლესობის წევრი ირაკლი ლაგვილავა გამოეხმაურა და უთხრა, რომ მას არ აქვს მორალური უფლება, ზვიად გამსახურდიას სახელობის დარბაზში ხმამაღლა ისაუბროს.

მოგვიანებით, სხდომათა დარბაზში დაპირისპირება მოხდა „ნაციონალური მოძრაობის“ წევრ ეკა ზღულაძესა და დეპუტატ გია დანელიას შორისაც. დანელიამ მას მოუწოდა, აცალონ ზუგდიდელებს მშვიდად ცხოვრება.

„თქვენ მემგონი, დრო გეშლებათ და 2012 წლამდე პერიოდს იხსენებთ, დამშვიდდით. ეს თქვენი სტილია. ზონდერები მოიკითხოს „ნაციონალურმა მოძრაობამ“. დღესაც სახლში უვარდებიან ადამიანებს და ახსენებენ თავიანთი მმართველობის 9 წელს. ზუგდიდელებს მშვიდად ცხოვრების საშუალება მოგვეცით“-, აღნიშნა დანელიამ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ