ზუგდიდის 67-ე საოლქო საარჩევნო კომისიის თავმჯდომარის მირანდა მესხის მიერ საარჩევნო ინვენტარის გაცემის ფაქტს ახალგაზრდა იურისტთა ასოციაცია შეისწავლის. ამის შესახებ ჟურნალისტებს საია-ს ზუგდიდის ოფისის ხელმძღვანელმა ჯემალ ჭკადუამ განუცხადა.
მისივე თქმით, იმაზე, არის თუ არა არჩევნებამდე ხუთი დღით ადრე ბეჭდებისა და სამაგიდო სიის გაცემა კანონდარღვევა, ორგანიზაცია განცხადებას ხვალ გააკეთებს.
„ჩვენ დავინახეთ, რომ რამდენიმე საათის წინ გაცემული საარჩევნო სიები უკან მოაბრუნეს საოლქო საარჩევნო კომისიაში. ჩვენ ვსწავლობთ, რამდენად კანონიერად მოხდა მათი გაცემა", - აცხადებს ჯემალ ჭკადუა.