გორში, სოფელ მეჯვრისხევში ფესტივალი - „ფეხბურთი მშვიდობისთვის“ ჩატარდება

17-19 მაისს, გორის მუნიციპალიტეტის სოფელ მეჯვრისხევში, რომელიც საოკუპაციო ხაზთან მდებარეობს, სამშვიდობო საფეხბურთო ფესტივალი „ფეხბურთი მშვიდობისთვის“ ჩატარდება.

როგორც „ინტერპრესნიუსს“ საქართველოს განათლების, მეცნიერების, კულტურისა და სპორტის სამინისტროდან აცნობეს, ფესტივალში მონაწილეობას 12-14 წლის საქართველოში მცხოვრები ეთნიკური უმცირესობების წარმომადგენლები, ასევე ოკუპირებული ტერიტორიებიდან დევნილი და საოკუპაციო ხაზის მიმდებარედ მცხოვრები ბავშვები მიიღებენ.

მათივე ინფორმაციით, 3-დღიანი ფესტივალი გაეროში საქართველოს ახალგაზრდობის წარმომადგენლისა და ორგანიზაციის „ფეხბურთი მშვიდობისთვის“ ორგანიზებით იმართება.

ღონისძიების მიზანია ხელი შეუწყოს უმცირესობების სამოქალაქო ინტეგრაციას, წინ წამოწიოს სპორტული, საგანმანათლებლო და კულტურული ასპექტები, აგრეთვე ხელი შეუწყოს სხვადასხვა ეროვნების ახალგაზრდების დაახლოებას. 19 მაისს გაიმართება ფინალური შეხვედრა. გამარჯვებულ გუნდს გადაეცემა გარდამავალი თასი და სპეციალური პრიზები.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 27.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს