რუსთავის მეტალურგიულ ქარხანასთან შეკრებილი წვრილსორტული საამქროს თანამშრომლების პროტესტს ფოლადსადნობი საამქროს თანამშრომლები და სამოქალაქო აქტივისტები შეუერთდნენ.

აქციის მონაწილეები ხელფასების გაზრდასა და სამუშაო პირობების გაუმჯობესებას მოითხოვენ.

აქციის მონაწილეებს ქარხნის გენერალური დირექტორის მოადგილე არჩილ მელიქიძე შეხვდა და მათი მოთხოვნების განსახილველად ერთდღიანი ვადა ითხოვა.

აქციის მონაწილეები კი პასუხს დღესვე ელოდებიან და დაშლას მოთხოვნების შესრულებამდე არ აპირებენ. გაფიცული მუშები საწარმოს ადმინისტრაციის შენობასთან არიან შეკრებილები.