სიღნაღში გზების რეაბილიტაცია მიმდინარეობს

ქალაქ სიღნაღში აბრამიშვილის, ბეჟანიშვილის, მოსაშვილის და მოსულიშვილის გზების სარეაბილიტაციო სამუშაოები მიმდინარეობს.

როგორც „ინტერპრესნიუსს“ სიღნაღის მუნიციპალიტეტიდან აცნობეს, ამ ეტაპზე ბეჟანიშვილის ქუჩის მოასფალტება დასრულდა, რის შემდეგაც გზის ნაწილზე ბეტონი დაიგება, ხოლო დანარჩენ სამ ქუჩაზე მოხრეშვა დასრულებულია და მოასფალტება უახლოეს დღეებში დაიწყება. აღსანიშნავია, რომ ბეჟანიშვილის და აბრამიშვილის ქუჩებზე ასფალტის საფარი პირველად იგება.

მათივე ინფორმაციით, სიღნაღის გზების რეაბილიტაცია რეგიონში განსახორციელებელი პროექტების ფონდიდან და სიღნაღის მუნიციპალიტეტის ადგილობრივი ბიუჯეტიდან ფინანსდება, რომელზეც 614 130 ლარი დაიხარჯება.