თეთრიწყაროს სოფელ ვაშლოვანში საავტომობილო გზის მშენებლობა მიმდინარეობს

თეთრიწყაროს მუნიციპალიტეტში სოფელ ვაშლოვნის სოფელ კოდასთან დამაკავშირებელი, 4,7 კმ-იანი საავტომობილო გზის მშენებლობის სამუშაოები მიმდინარეობს.

როგორც „ინტერპრესნიუსს“ თეთრიწყაროს მუნიციპალიტეტიდან აცნობეს, პროექტის მიხედვით, სოფელში მისასვლელ საავტომობილო გზაზე მოეწყობა ბეტონის საფარი, გზის გვერდულები და სანიაღვრე არხები.

მათივე ინფორმაციით, სოფელ ვაშლოვანსა და ერტისში მცხოვრები 1000-მდე პირდაპირი ბენეფიციარი, უსაფრთხო და კომფორტული გადაადგილების პირობით ისარგებლებს. პროექტის განხორციელებაზე 2 მილიონამდე ლარი დაიხარჯება.