„ნაციონალური მოძრაობის“ წევრი ლევან ხაბეიშვილი ზუგდიდის პოლიციის შენობაში შესვლას ითხოვდა, თუმცა მას განუმარტეს, რომ ხელმძღვანელი პირები ადგილზე არ იყვნენ და შესაბამისად, მას ვერ გაესაუბრებოდნენ.

ლევან ხაბეიშვილის თქმით, მას კითხვები ჰქონდა იმასთან დაკავშირებით, თუ რატომ არ იყო დაკავებული ზუგდიდის საკრებულოს დეპუტატი, რომელიც „რუსთავი 2“-ის მიერ გავრცელებულ ჩანაწერებში არჩევნების გაყალბებაზე საუბრობს.

ლევან ხაბეიშვილს ასევე ჰქონდა კითხვები თუ რატომ არ არიან დაკავებული 14 მაისს, დადიანების სასახლის ეზოში მომხდარი ინციდენტის მონაწილეები.