რუსთავის მერი ირაკლი ტაბაღუა მეტალურგიული ქარხნის გაფიცულ მუშებთან მივიდა და მათ მოთხოვნებს ადგილზე გაეცნო. რუსთავის მერი მეტალურგიული ქარხნის სამმართველოში საწარმოს ხელმძღვანელობასაც შეხვდა და მუშების პროტესტთან დაკავშირებით მათ პოზიციასაც გაეცნო.

ირაკლი ტაბაღუამ დირექციასთან შეხვედრის შემდეგ, აქციის მონაწილეებს მოუწოდა გამოყონ რამდენიმე ადამიანი, რომლებიც საკუთარ მოთხოვნებს დირექციას დეტალურად გააცნობენ და მათი შესრულების გზებზე ერთობლივად შეჯერდებიან.

დილიდან "რუსთავის ფოლადის" ორი საამქროს თანამშრომლები გაფიცულები არიან და აქციას მართავენ. ისინი სამუშაო პირობების გაუმჯობესებას და ხელფასების გაზრდას მოითხოვენ. ქარხნის დირექციამ კი მათ მოთხოვნებზე პასუხის გასაცემად ერთდღიანი ვადა ითხოვა.