კომპანია რუსთავის წყალი ქალაქ რუსთავში, მე-19 მიკრორაიონის მიმდებარე ტერიტორიაზე, აღმაშენებლის I, II და III ჩიხებში წყალმომარაგების ახალ სისტემას აწყობს. როგორც „ინტერპრესნიუსს“ კომპანია „რუსთავის წყლიდან“ აცნობეს, პროექტის ფარგლებში, კომპანია 4 კმ სიგრძის წყალმომარაგების ქსელს ავითარებს. ამასთან ერთად, წყალმომარაგების სტაბილურობის მიზნით, ახალ ქსელზე ევროსტანდარტის შესაბამისი ჩამკეტ-მარეგულირებელი ურდულები და რეგულატორები მონტაჟდება.

კომპანიის ინფორმაციით, სამუშაოები ივნისის ბოლოს დასრულდება და შედეგად, მე-19 მიკრორაიონის მიმდებარე ტერიტორიაზე, აღმაშენებლის I, II და III ჩიხებში დამატებით 150-ზე მეტი აბონენტი 24 საათიან, უწყვეტ და სტაბილურ წყალმომარაგებას მიიღებს. პროექტში კომპანია რუსთავის წყალი 100 000 ლარის ინვესტიციას ახორციელებს.