სანდრა რულოვსის განცხადებით, 19 მაისს ზუგდიდში თბილისიდან და სხვა რეგიონებიდან მისი მხარდამჭერები ჩავლენ

არა, აქ ზუგდიდელები არიან, მაგრამ 19 მაისს გარწმუნებთ, რომ თბილისიდან და სხვადასხვა რეგიონებიდან ჩამოდიან, - ამის შესახებ ჟურნალისტებს გაერთიანებული ოპოზიციის ზუგდიდის მერობის კანდიდატმა სანდრა რულოსვსმა განმუხურში განუცხადა, როდესაც უპასუხა კითხვას - დღევანდელ შეკრებაზე განმუხურში მის მხარდასაჭერად სხვა რეგიონის მოსახლეობაც იყო თუ არა ჩამოსული.

მისი თქმით, მთელი ქვეყნის ბედი 19 მაისს, ზუგდიდის მერობის შუალედურ არჩევნებზე გადაწყდება.

"არა, აქ ზუგდიდელები არიან, მაგრამ 19 მაისს გარწმუნებთ, რომ თბილისიდან და სხვადასხვა რეგიონებიდან ჩამოდიან. დიახ,ახლა ჩემს კამპანიაში ჩართულები არიან ცნობილი სახეები რეგიონებიდან, ასევე პოლიტსაბჭოს წევრები თბილისიდან და რეგიონებიდან. დღეს იყო უდიდესი შეხვედრა. აქ იყო 2 000-დან 3 000-მდე ადამიანი. ძალიან კარგი მუხტი იყო.გახსოვთ, რომ მე,აქ ერთი კვირის წინ კლიპი ჩავწერე, როცა იყო სიცივე და დეპრესიული ფონი. დღეს შეივსო და გამოცოცხლდა ამფითეატრი. ასე გამოვაცოცხლებთ მთელს ზუგდიდის მუნიციპალიტეტს და მთელს ქვეყანას,ძალიან მალე“, - განაცხადა სანდრა რულოვსმა.

სამეგრელოში, სოფელ განმუხურში გაერთიანებული ოპოზიციის, ზუგდიდის მერობის კანდიდატი სანდრა რულოვსი მოსახლეობას შეხვდა. სანდრა რულოვსსა და ამომრჩევლებს შორის შეხვედრა ამფითეატრის ტერიტორიაზე გაიმართა. განმუხურში შეკრებილ მოსახლეობას სიტყვით მიმართეს ასევე გაერთიანებული ოპოზიციის წარმომადგენლებმა.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 27.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს