შალვა კერესელიძე დუშეთში, საგზაო ინფრასტრუქტურისა და წყალმომარაგების სისტემის რეაბილიტაციის სამუშაოებს ადგილზე გაეცნო

დუშეთის მუნიციპალიტეტში, შიდა საუბნო და სოფლებს შორის დამაკავშირებელი გზების კეთილმოწყობის სამუშაოები აქტიურ რეჟიმში მიმდინარეობს. ამის შესახებ ინფორმაციას დუშეთის მუნიციპალიტეტი ავრცელებს.

მათივე ცნობით, მხარის სახელმწიფო რწმუნებული შალვა კერესელიძე, მოადგილესთან, რეგიონული განვითარებისა და ინფრასტრუქტურის სამინისტროს და ადგილობრივი თვითმმართველობის წარმომადგენლებთან ერთად, მიმდინარე სამუშაოებს პირადად გაეცნო.

„ქალაქ დუშეთში, გოგებაშვილის, აღმაშენებლისა და ბაჩანას ქუჩიდან აღმაშენებლის ქუჩამდე მონაკვეთებს რეაბილიტაცია უტარდება. ასევე, მიმდინარეობს ბაზალეთის ადმინისტრაციულ ერთეულში, ჩანადირთკარი-საკრამულის დამაკავშირებელი გზის კეთილმოწყობის სამუშაოები. პროექტების ჯამური ღირებულება 1.5 მილიონ ლარზე მეტია. სამუშაოები რეგიონული განვითარებისა და ინფრასტრუქტურის სამინისტროს რეგიონებში განსახორციელებელი პროექტების ფონდიდან ფინანსდება.

ხელისუფლების წარმომადგენლები სოფელ უნდილაანთკარში სასმელი წყლის სისტემის რეაბილიტაციის სამუშაოებსაც გაეცნენ. პროექტის განხორციელებით ადგილობრივ მოსახლეობას წყალმომარაგების მრავალწლიანი პრობლემა მოუგვარდება. სამუშაოების დასრულება მიმდინარე წლის ივნისის ბოლოს იგეგმება.

რეგიონში მიმდინარე ინფრასტრუქტურულ პროექტებს მცხეთა-მთიანეთის სახელმწიფო რწმუნებულის ადმინისტრაცია, ცენტრალური და ადგილობრივი ხელისუფლების შესაბამის უწყებებთან ერთად, მუდმივ მონიტორინგს უწევს“, - ნათქვამია ინფორმაციაში.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო