წვრილსორტული საამქროს თანამშრომლები ხელმძღვანელობის წინადადებას დათანხმდნენ, თუმცა, ვიდრე სხვა საამქროების მუშების მოთხოვნებიც არ შესრულდება, გაფიცვას არ წყვეტენ

რუსთავში, წვრილსორტული საამქროს თანამშრომლები ქარხნის ხელმძღვანელობის წინადადებას დათანხმდნენ, თუმცა, ვიდრე სხვა საამქროების მუშების მოთხოვნებიც არ შესრულდება, 20 მაისამდე გაფიცვის შეწყვეტას არ აპირებენ.

„ქართული ფოლადის" გენერალური დირექტორის მოადგილე არჩილ მელიქაძე აცხადებს, რომ წვრილსორტული საამქროს თანამშრომლებთან შეთანხმებას მიაღწია და ისინი სამის ნაცვლად მუშაობის ოთხცვლიან გრაფიკზე გადავლენ ისე, რომ ხელფასი იგივე დარჩებათ.

მელიქაძის განმარტებით, ეს ხელფასის 25%-ით მატებას ნიშნავს.

ფოლადსადნობის თანამშრომლებთან შეხვედრას კი ადმინისტრაცია ორშაბათს გეგმავს. გაფიცულები ხელფასის 50%-ით გაზრდას ითხოვენ. ადმინისტრაციაში აცხადებენ, რომ 50%- ით გაზრდა არარეალურია, თუმცა გარკვეული შეთავაზებები აქვთ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს