საოკუპაციო ხაზთან სამშვიდობო საფეხბურთო ფესტივალი იწყება

ოკუპირებული ტერიტორიის პერიმეტრზე მდებარე სოფელ მეჯვრისხევში, სამდღიანი სამშვიდობო საფეხბურთო ფესტივალი იწყება.

ფესტივალში მონაწილეობას იღებენ საქართველოს სხვადასხვა რეგიონში მცხოვრები ეთნიკური უმცირესობების წარმომადგენლები, ოკუპირებული ტერიტორიებიდან დევნილი და საოკუპაციო ხაზთან მდებარე სოფლებში მცხოვრები მოზარდები.

საოკუპაციო ხაზთან მდებარე სოფელში ფესტივალი გაერო-ში საქართველოს ახალგაზრდობის წარმომადგენლის, ახალგაზრდული მოძრაობა „შერიგებისთვის" და ორგანიზაციის „ფეხბურთი მშვიდობისთვის“ ინიციატივით იმართება, მხარდამჭერები კი, ფეხბურთის ფედერაცია, შსს და ადგილობრივი ხელისუფლებაა.

გამარჯვებულ გუნდს გარდამავალი თასი და სპეციალური პრიზები გადაეცემა.

ფესტივალი 17-19 მაისს ტარდება და 12-14 წლის მოზარდებით დაკომპლექტებული 8 გუნდი იღებს მონაწილეობა. ყველა გუნდს საჩუქრად სრული საფეხბურთო ეკიპირება გადაეცემა.