დადიანების სასახლესთან მომხდარ ინციდენტში მონაწილე ჟურნალისტი ზუგდიდის პოლიციის სამმართველოში გამოკითხვაზე ხელმეორედ მივიდა

დადიანების სასახლესთან მომხდარ ინციდენტში მონაწილე ჟურნალისტი ლევან თორდია ზუგდიდის პოლიციის სამმართველოში გამოკითხვაზე ხელმეორედ მივიდა. ლევან თორდიასთან ერთად "გაერთიანებული ოპოზიციის" წევრი გიორგი ვაშაძეც იმყოფება.

როგორც ჟურნალისტმა ლევან თორდიამ განაცხადა, მის ხელმეორედ გამოკითხვას იმ ფაქტს უკავშირებს, რომ შესაძლოა, დააკავონ.

როგორც ჟურნალისტი აცხადებს, მის მიმართ განხორციელებული ქმედება არაკანონიერია და ის ინციდენტის მომენტში მხოლოდ თავს იცავდა.

"გუშინ პოლიციიდან დამირეკეს რამდენჯერმე, ისინი დაჟინებით ითხოვდნენ მივსულიყავი ხელმეორედ. 23:00 საათზე, სამართალდამცავები მივიდნენ დედაჩემთან და ჩააბარეს უწყება სამმართველოში გამოძახებასთან დაკავშირებით. ამან გამიჩინა ეჭვები, რომ აპირებენ რაღაც უკანონოს, თუნდაც ჩემ დაკავებას. ეს ეჭვი გამიძლიერა იმ ფაქტმაც, რომ დადეს რაღაც დამონტაჟებული ვიდეო, სადაც გამოყვანილი ვარ აგრესორად, არადა ყველა ჩემი ქმედება თავდაცვის მიზნებიდან და სტუმრების დაცვის ინტერესებიდან გამომდინარეობდა", - განაცხადა ლევან თორდიამ.

დადიანების სასახლესთან მომხდარ ინციდენტში მონაწილე ჟურნალისტი ზუგდიდს პოლიციის სამმართველოში გამოკითხვაზე მეორედ მივიდა