#67 ზუგდიდის საოლქო კომისიაში სხდომა იწყება, სადაც გადასატან ყუთში შემავალი სიების დამტკიცების შესახებ იმსჯელებენ. სხდომას გაერთიანებული ოპოზიციის წარმომადგენლებიც ესწრებიან.
როგორც „ინტერპრესნიუსს" გაერთიანებული ოპოზიციის წარმომადგენელმა ლევან ბეჟაშვილმა განუცხადა, მათ აღმოაჩინეს რიგი დარღვევები, რომლის განხილვასაც აპირებენ.
ბეჟაშვილის თქმით, გადასატანი ყუთის სიაში ჩაწერილი არიან ისეთი ადამიანები, რომლებსაც ეს მომსახურება არ სჭირდებათ და თავადაც შეუძლიათ უბანზე მისვლა. ამასთან, გაერთიანებულ ოპოზიციაში აცხადებენ, რომ რამდენიმე დღის წინ გაცემულ ბეჭდებთან და სამაგიდო სიებთან ერთად, მარკირების სითხეც გაიცა.