ზუგდიდის საოლქო-საარჩევნო კომისიის თავმჯდომარე მირანდა მესხი განმარტავს, რომ დაცვის პოლიცია კომისიის შენობაში უსაფრთხოების მიზნითაა მობილიზებული. როგორც მესხმა განმარტა, საოლქო-საარჩევნო კომისიაში შემოსულია დოკუმენტაცია, რომელიც დალუქულია და შესაბამისად, ამის გამოა შედარებით გამკაცრებული უსაფრთხოების ზომები.

„ჩვენ აქ გვაქვს ბიულეტენების ბლოკნოტები, რეგისტრატორის ბეჭდები. აქეთ არის სამუშაო სივრცე და ამიტომ არის მობილიზებული უსაფრთხოების მიზნით დაცვის პოლიცია. ეს მუდმივად არ ხდება, მხოლოდ მაშინ, როდესაც დოკუმენტაციაა შემოსული“, - განაცხადა მირანდა მესხმა.