ჭიათურაში გაფიცულ მაღაროელებსა და „ჯორჯიან მანგანეზის“ მმართველობას შორის შეთანხმება ვერ შედგა

ჭიათურაში გაფიცულ მაღაროელებსა და „ჯორჯიან მანგანეზის“ მმართველობას შორის შეთანხმება ვერ შედგა.

შეხვედრა დღეს გაიმართა, რომელსაც კომპანიაში სახელმწიფოს მიერ დანიშნული მმართველი ნიკოლოზ ჩიქოვანი ესწრებოდა. გაფიცული მაღაროელების თქმით, ადმინისტაცია ამ ეტაპზე არც ერთი მოთხოვნის დაკმაყოფილებას არ აპირებს.

„შეხვედრა უშედეგოდ დასრულდა. ვერ მივაღწიეთ შეთანხმებას ადმინისტრაციასთან. ხელფასის 50%-იან მატებაზე ამ ეტაპზე უარი გვითხრეს. ნიკოლოზ ჩიქოვანის განცხადებით, ის მარტო ვერ გადაწყვეტს ამ საკითხს, ამიტომ ოთხშაბათამდე დრო ითხოვა. ჩვენც ვაგრძელებთ გაფიცვას, ვიდრე არ დაკამყოფილდება მოთხოვნა. პრობლემის ეტაპობრივად მოგვარებაზე ისაუბრებს მთავრობის წევრებმა, მაგრამ თანამშრომლები ამაზე თანახმა არ არიან", -განაცხადა პაატა სამხარაძემ.

მაღაროელები მეორე დღეა გაფიცულები არიან. დღეს გაფიცულ მუშებს მთავრობის წევრები შეხვდნენ. მათი თქმით, პრობლემას დროული მოგვარება სჭირდება.