ხელვაჩაურში, ყოფილი 25-ე ბატალიონის ტერიტორიაზე თვითნებურად შესახლებულებულები დახმარებას ითხოვენ. მათი განცხადებით, დასახლებაში ქვეწარმავლები მომრავლდნენ და ე.წ მუყაოს სახლებში ბინადრობენ.
მოქალაქეები დახმარებას სამაშველო სამსახურს, ასევე შესაბამის უწყებებს ტერიტორიის შეწამვლას სთხოვენ.
"ქალს ეძინა, ლანდად იატაკზე შავი აჩრდილები დაინახა. რომ დააკვირდა, სამი გველი იყო ერთმანეთში ახლართული. იგი კივილით გამოვარდა გარეთ და შველას ითხოვდა. მეზობელი შევიდა და ორი გველი მოკლა. მესამე, ყველაზე დიდი გველი კი, სადღაც აქ არის. ველოდებით სამაშველო სამსახურს. ტერიტორია ბოლოს სამი დღის წინ შეწამლეს, როგორც ჩანს, უფრო ძლიერი წამალი სჭირდება ქვეწარმავლებთან ბრძოლას“, - განაცხადა მანანა პაქსაძემ.