ონში მხარეთმცოდნეობის მუზეუმი აშენდება,-ამის შესახებ საქართველოს პრემიერ-მინისტრმა მამუკა ბახტაძემ ბრიფინგზე განაცხადა.

მამუკა ბახტაძის თქმით, საქართველოს რეგიონული განვითარებისთვის მნიშვნელოვანია, რომ ყველა რეგიონში შესაბამისი ინფრასტრუქტურა მოეწყოს და რეგიონული განვითარება ქვეყნის მთავრობის უმნიშვნელოვანეს პრიორიტეტს წარმოადგენს, რაც საქართველოს საშუალებას მისცემს, რომ ინკულზიურ ზრდას მიაღწიოს.

„ინკლუზიური ზრდისთვის კი საუკეთესო სექტორი გახლავთ ტურიზმი. ჩვენ მაღალმთიან რეგიონებში ვავითარებთ შესაბამის ინფრასტრუქტურას და სწორედ ამ მიზანს ემსახურება საქართველოს მთავრობის გადაწყვეტილება, რომ ონში მხარეთმცოდნეობის მუზეუმი აშენდება. მუზეუმში საკონფერენციო დარბაზი, საცავი, ბიბლიოთეკა, მედიათეკა და ბავშვებისთვის საგანმანათლებლო სივრცე გაკეთდება“,-განაცხადა მამუკა ბახტაძემ.