ლევან ხაბეიშვილი - ტაქსების შესახებ რეფორმა რომ ჩაშლის პირას არის და შეიძლება არ განხორციელდეს, ამაში დარწმუნებული ვარ

ტაქსების შესახებ რეფორმა რომ ჩაშლის პირას არის და შეიძლება არ განხორციელდეს, ამაში დარწმუნებული ვარ, - ამის შესახებ „ინტერპრესნიუსს“ „ნაციონალური მოძრაობის“ წევრმა ლევან ხაბეიშვილმა ტაქსების რეფორმაზე საუბრისას განუცხადა.

მისი თქმით, ეს რეფორმა ემსახურება იმას, რომ მთავრობამ „რაც შეიძლება მეტი თანხა ამოიღოს გაჭირვებული ადამიანებისგან“.

„ავტომობილს რომ არავინ არ გადაღებავს, მე მგონი, ყველამ კარგად გავიგეთ. არანორმალურია, რომ ტაქსის მძღოლები ადგნენ და ავტომობილები გადაღებონ იმის გამო, რომ კახა კალაძეს ასე უნდა. რა თქმა უნდა, დიდი ნაწილი ამას არ გააკეთებს. ხოლო ამ ადამიანების დევნა თუ დაიწყეს კალაძემ და ხელისუფლებამ, ეს მათივე პრობლემა იქნება. გაჭირვებული ადამიანი გარეთ გამოდის სამუშაოდ და რადგან მანქანა თურმე თეთრი არ არის და ლუჯია, ამიტომ აუკრძალო სახლში ლუკმა-პური მიიტანო, ეს არ იქნება ნორმალური. ეს ემსახურება იმას, რომ მეტი თანხა ამოიღონ გაჭირვებული ადამიანებისგან, რომლებიც 24 საათი მუშაობენ. ეს პროექტი რომ ჩაშლის პირას არის და შეიძლება არ განხორციელდეს, ამაში დარწმუნებული ვარ“, - განაცხადა ხაბეიშვილმა.

კითხვაზე, ჩაერთვება თუ არა ტაქსის მძღოლების მიერ დაანონსებულ საინიციატივო ჯგუფში, ხაბეიშვილი აცხადებს, რომ მას ფორმატი არ სჭირდება თავისი პოზიციის დასაფიქსირებლად, თუმცა თუკი მისი ყოფნა საჭირო გახდება, ყველანაირ აქტივობაში ჩაერთვება.

„ყველაფერში მივიღებთ მონაწილეობას და საკრებულოშიც არ ვაკლებ კრიტიკას. ყველა სამუშაო ჯგუფში, რა თქმა უნდა, თუკი რამე იქნება ისეთი, სადაც ჩვენი ყოფნაა საჭირო, ამ ფორმატშიც ჩავერთვებით. თუმცა, არ მიმაჩნია, რომ მაინც და მაინც ფორმატებია საჭირო იმისთვის, რომ ჩვენი პოზიცია დავაფიქსიროთ“, - აღნიშნა ხაბეიშვილმა .

შეგახსენებთ, რომ თბილისის ტაქსის მძღოლების სახელით ერთ-ერთმა მძღოლმა ლევან ხუზაურაშვილმა გუშინ, დედაქალაქის მერს კახა კალაძეს მიმართა.

„1-ელ ივნისამდე გაძლევთ ვადას, რათა გვაცნობოთ, აპირებთ თუ არა ტაქსების ახალი რეგულაციების გადავადებას 2021 წლის 31 დეკემბრამდე“, - მიმართა ტაქსის მძღოლმა კალაძეს.

დედაქალაქის მერის, კახა კალაძის განცხადებით კი, „ის პრობლემები, რაც აწუხებდათ ტაქსის მძღოლებს, მაქსიმალურად იქნა გათვალისწინებული და ტაქსების შესახებ რეფორმა აუცილებლად გაგრძელდება“.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო