ბათუმის უნივერსიტეტის დისციპლინური კომისიის სხდომა, რომელმაც სავარაუდო სექსუალური შევიწროების საკითხზე, რამდენიმე სტუდენტი უნდა გამოკითხოს, განახლდა
ბათუმის უნივერსიტეტის დისციპლინური კომისიის სხდომა, რომელიც სტუდენტის მიმართ ლექტორის მხრიდან სავარაუდო სექსუალური შევიწროების საკითხს განიხილავს, განახლდა. ამ ეტაპზე კომისიის წევრებს გადაწყვეტილი აქვთ სტუდენტების გამოკითხვა.
სხდომის შესახებ ჟურნალისტებისთვის ცოტა ხნის წინ გახდა ცნობილი, თუმცა სხდომათა დარბაზში შეკრებილმა სტუდენტებმა მედიის წარმომადგენლების გამოჩენისთანავე დარბაზი დატოვეს და კომენტარი არ გააკეთეს.
თავის მხრივ, დისციპლინური კომისიის თავმჯდომარე ანზორ ბერიძე აცხადებს, რომ მედიამ აქტიურობით სტუდენტთა გამოკითხვაში ხელი შეუშალა. მისივე თქმით, სტუდენტებს არ სურთ მათი იდენტიფიცირება მედიასაშუალებებით. ანზორ ბერიძე აცხადებს, რომ კომისიის სხდომის დასრულების შემდეგ გახდება ცნობილი რამდენი სტუდენტი გამოიკითხა.
