ჯაბა ჯიშკარიანი - ყოფილი კოლეგები ცდილობენ მთაწმინდის ამომრჩევლები შეცდომაში შეიყვანონ, რომ მე „ნაცმოძრაობას“ წარმოვადგენ - ეს არის სრული იდიოტიზმი და ბოდვა, ჩემო კოლეგებო

საკრებულოს დამოუკიდებელმა დეპუტატმა ჯაბა ჯიშკარიანმა საკრებულოს სხდომაზე განაცხადა, რომ მისი ყოფილი კოლეგები მთაწმინდაზე მოსახლეობას ეუბნებიან, რომ ის "ნაციონალური მოძრაობის" წევრია.

მისი თქმით, მას არ სურდა მთაწმინდის არჩევნებზე შეფასების გაკეთება, მაგრამ იძულებული გახდა.

„ვიღაც ადამიანებს არ ასვენებთ გამჩენი და დღემდე ცდილობენ, რომ ჩამრთონ ძალაუნებურად. საქმე ეხება ჩემს ყოფილ კოლეგებს, რომლებიც ამ დარბაზში სხედან და ალბათ ვაჟკაცობა ეყოფათ და გამოხატავენ პოზიციას, თუ რატომ დადიან მთაწმინდის ქუჩაზე და რატომ ცდილობენ მთაწმინდის ამომრჩეველი და საზოგადოება შეცდომაში შეიყვანონ, რომ ჯაბა ჯიშკრიანი წარმოადგენს „ნაციონალურ მოძრაობას“. ეს არის სრული იდიოტიზმი, სრული კატასტროფა და ბოდვა ჩემო კოლეგებო“, - განაცხადა ჯიშკარიანმა.

მისივე თქმით, მთელი მისი ცხოვრება სხვებისგან განსხვავებით „ნაციონალური მოძრაობის“ წინააღმდეგ იყო მიმართული და აღნიშნა, რომ „სწორედ ლადო კახაძე წარმოადგენდა „ნაციონალურ მოძრაობას“ და პაატა ბურჭულაძეს".

ჯიშკარიანის თქმით, მას „ქართული ოცნება“ ურჩევნია „ნაციონალურ მოძრაობას“, მაგრამ მისთვის კახაძე არის პიროვნულად მიუღებელი.

ჯაბა ჯიშკარიანმა "ქართული ოცნების" დეპუტატებს მიმართა და განაცხადა, რომ თუ მსგავსი ხმების გავრცელება გაგრძელდება, ის გვარებს დააახელებს.

„მეორედ ასეთ სისულელეს ნუ წამოროშავთ და პატივი ვცეთ ერთმანეთს",-აღნიშნა ჯიშკარიანმა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს